Іс-шаралар - Сарыбұлақ орта мектебі

«Сарыбұлақ орта мектебі» КММ-де Балалар жылы аясында өткізілген іс-шаралар ақпараты

admin — Wed, 13 Jul 2022 04:07:39 +0600

«Алматы облысы білім басқармасының Еңбекшіқазақ ауданы бойынша білім бөлімі» мемлекеттік мекемесінің «Сарыбұлақ орта мектебі» КММ-де Балалар жылы аясында өткізілген іс-шаралар ақпараты (20-24.06.2022 ж.)

№

Шараның атауы

Күні, уақыты

Қамту

саны

Іс-шараның мақсаты, қатысушылар санаты, қысқаша сипаттамасы

1	«Қош келдіңдер,балдырғандар»күні «Отбасындағы әдептілік» танымдық сабақ	20.06.2022	15	Мақсаты: Ата-ана арқылы өрбіген туыстар сыйластығы,жанұя берген әдептілік,ізет,құрмет туралы пікірлесу Қатысушылар: Еңбекшіқазақ ауданы Сарыбұлақ орта мектебінің 1-4 сынып оқушылары «Қош келдіңдер,балдырғандар»күні балаларды медбикемен бірге қабылдап,бойжазу жаттығулары өтті. «Отбасындағы әдептілік» тақырыбында әңгіме-сұхбат ұйымдастырылып,пікір алмасты.Әркім мүмкіндігінше өз отбастары туралы видеоролик жасады. «Менің отбасым тақырыбында»психологиялық тренинг өтті.Балалар әр ұлттың әндерін орындап,үйлеріне көңілді қайтты.
2	«Табиғат және біз»күні Табиғат аясына саяхат	21.06.2022	15	Мақсаты:. Балалардың табиғатқа,туған жерге,қоршаған ортаға деген сүйіспеншілігін арттыру, танымын кеңейту. Қатысушылар: Еңбекшіқазақ ауданы Сарыбұлақ орта мектебінің 1-4 сынып оқушылары Ауылымыздың көрікті жерлерімен танысып, табиғатын тамашалап қайтты.
3	«Шынықсаң шымыр боласың» спорттық іс-шара	21.06.2022ж	27	Мақсаты:Салауатты өмір салтын ұстануға баулу,спортқа деген қызығушылығын арттыру Қатысушылар: Еңбекшіқазақ ауданы Сарыбұлақ орта мектебінің 7-9сынып оқушылары арасында волейболдан жарыс ұйымдастырылды. Жеңімпаздар марапатталды.
4	«Менің көңілді күнім» күні «Бір күнін қалай көңілді өткізуге болады?»Топтық жұмыс	22.06.2022ж	15	Мақсаты: Берілген тапсырмалар арқылы балалардың білімін,ақыл –ойын дамыту.Кеңістікті бағдарлай білуді жетілдіру,ұйымшылдыққа,ұқыптылыққа тәрбиелеу Қатысушылар: Еңбекшіқазақ ауданы Сарыбұлақ орта мектебінің 1-4 сынып оқушылары Топтық жұмыс жасау барсында балалар өздеріне берілген тапсырмалар арқылы «Бір күнін қалай көңілді өткізуге болады?» деген жұмыстарын қорғап, өз ойларын еркін жеткізе білді және сол тапсырмалар арқылы қызықты ойындар ойнап,суреттер салып,ән айтып үйлеріне көңілді қайтты
5	«Қазақ тілі» пәні Шешендік сөздер «Жаңылдырсаң да жаңылмаймын» ойын-сабақ.	22.06.2022ж	18	Мақсаты: Ой өрісін кеңейтуге,шапашаңдыққа баулу. Қатысушылар: Еңбекшіқазақ ауданы Сарыбұлақ орта мектебінің 5 -сынып оқушылары Ойын- сабаққа қатысушылардың ішінен бір оқушы, мұғалім тапсырмасы бойынша әр –түрлі жаңылдырғыш сұрақтарды оқып ,балаларды жаңылдыруға әрекет жасады.Ойынға қатысушылар жаңылмай жауап беруге тырысты.Ойын барысында көп ұпай жинаған балалар марапатталды. Жетекшісі: «Қазақ тілі пәні «мұғалімі Ж.А.Шалабаева
6	«Жазғы демалыс кезіндегі балалардың өмір қауіпсіздігі» Ата-аналар жиналысы	22.06.2022ж Сағ.10:00	117 ата-ана	Мақсаты: «Жаз мезгіліндегі балалардың өмір қауіпсіздігінің»алдын алу. Қатысушылар: ата-аналар 2022 жылдың 22 маусым күні Сарыбұлақ орта мектебінде ата-аналармен жиналыс онлайн өтті. Мектеп директорының уақытша м.а И.А.Шалабаева ата-аналармен жазғы демалыс кезіндегі балалардың өмір қауіпсіздігі туралы сұхбаттасты. «Жол қауіпсіздігі», «Су айдындарындағы қауіпсіздік» шараларына,ережелеріне тоқталып,түсіндірме жұмыстарын жүргізді.
7	«Суретшілер тарихы»күні Суретшілер тарихымен таныстыру	23.06.2022ж	15	Мақсаты: Суретшілер тарихымен таныстыру,ой өрісін кеңейтуге,шығармашылыққа баулу. Қатысушылар: Еңбекшіқазақ ауданы Сарыбұлақ орта мектебінің 1-4 сынып оқушылары Балалар суретшілер тарихымен танысып,Ә.Кастеев музейіне визуалды саяхат жасады. Ә.Кастеевтің еңбектерімен танысты.Түрлі-түсті боямақтармен суреттер салып,шығармашылық жұмыстар жүргізді. Бой жазу жаттығуларын жасап, «Қызыл ту» ойынын ойнап, үйлеріне көңілді қайтты. Жетекшісі:Атибекова М.Т
8	Тілдік лагерь «Әзіл жұмбақ»сабағы «Әріптер мен әдебиет» ойыны	23.06.2022ж	14	Мақсаты: Суретшілер тарихымен таныстыру,ой өрісін кеңейтуге,шығармашылыққа баулу. Қатысушылар: Еңбекшіқазақ ауданы 6-сынып оқушылары Алматы облысы Еңбекшіқазақ ауданы "Сарыбұлақ орта мектебі" КММ Мектептің жанындағы "Балдаурен" лагерінде жазғы көңілді алаңда қазақ тілі мен әдебиеті пәнінен тілдік лагерь ұйымдастырылды. Сабақ барысында Мақал-мәтелдер жарысы ұйымдастырылды. «Фонетика, лексика салаларын қайталау мақсатында «Әзіл жұмбақ» сабағы өтті. Әзіл аралас сұрақтар қойылып, оқушылар белсенділік танытып отырды. Әдебиетті қайталау барысында «Әріптер мен әдебиет» ойыны ұйымдастырылды, ойынның мақсаты: ақын-жазушының аты аталып, шығармасының басты әрпі аталады, оқушылар сол шығарманы тауып отырды.
9	23.06.2022ж «Жасыл ел»тобы Мектеп ауласын көгалдандыру	23.06.2022ж	7	Мақсаты: табиғатты қорғау, аялау,өзара ынтымақтастық,қарым-қатынас, төзімділік қабілеттерін қалыптастыру Қатысушылар: Еңбекшіқазақ ауданы 8 -7сынып оқушылары "Жазғы көңілді алаң-2022" "Сарыбұлақ орта мектебі"КММ-де балалардың табиғатты қорғау, аялау,өзара ынтымақтастық,қарым-қатынас, төзімділік қабілеттерін қалыптастыру мақсатында "Жасыл ел" тобы көгалдандыру жұмыстары ұйымдастырылған. Топтағы балалар мектеп ауласын қураған шөптерден тазартып,гүлдерді түптеп, көшеттеді.Ағаштарды суарды.
10	«Түрген шатқалына» саяхат	24.06.2022ж	12	Мақсаты: Суретшілер тарихымен таныстыру,ой өрісін кеңейтуге,шығармашылыққа баулу. Қатысушылар: Еңбекшіқазақ ауданы -10сынып оқушшылары Қазақстанның кең даласын,биік тауларын,ормандары мен көлдерін көрген адам еш уақытта ұмыта алмайды.Біз жер шарының осындай сұлу,бай өлкесінде тұрамыз.Ол -біздің Отанымыз,туған жеріміз. Осы орайда 10 -сынып оқушылары Түрген шатқалының сұлуда көрікті табиғатына саяхаттап қайтты.
11	Тілдік лагерь «Ойлан,ізде,тап»ойын- әңгіме «Кім сөз жасай алады?»сөзжасам ойыны	24.06.2022ж	14	Мақсаты: Ойын сабақтар арқылы ой өрісітерін кеңейтуге,шығармашылыққа баулу. Қатысушылар: Еңбекшіқазақ ауданы 6-сынып оқушылары 24.06.22 ж балаларды мед.бикемен бірге қабылдап, «Жазғы қауіпсіздік ережелері» бойынша үш тілде әңгіме ұйымдастырылып, балалардан сұхбат алынды. «Фонетика» саласын қайталау мақсатында оқушылармен «Ойлан, ізден, тап» ойын- әңгіме жүргізілді. Дыбыс және әріптерді қайталау барысында «Кім сөз жасай алады?» атты сөзжасам ойыны өтті, балалар ойларын ортаға салып,белсенді қатысты.
12	«Жануарлар әлемі» күні «Менің сүйікті жануарым» қойылымдар қою	24.06.2022ж	15	Мақсаты: Жауарлар әлемі туралы түсініктерін кеңейту,оларды ажырату және дұрыс атауға ,қорғауға баулу Қатысушылар: 1-4 сынып оқушылары Балаларды медбикемен бірге қабылдап, бой жазу жаттығулары өткізілді. «Менің сүйікті жануарым» тақырыбында қойылымдар қойды. «Сиқырлы бояулар» бөлімінде өздері қалаған суреттерін салып,пластилиннен жауарлардың бейнесін жасап, сол жануар туралы әңгімелеп берді. Педагог-психолог балаларға көңілді тренингтар өткізіп, балалар үйлеріне көңілді қайтты.

"Ұшқыр ой" алаңы."Жігер" дебат клубы

admin — Thu, 17 Feb 2022 12:35:36 +0600

Тақырыбы: «Өзге тілдің бәрін біл,өз тіліңді құрметте»
Өткізілген күні: 25.09.2021ж
Мақсаты: Оқушыларға тілдің маңызын түсіндіру, оқушылардың ана тілі туралы ой-пікірлерін білу, оқушыларды ана тілін құрметтеуге тәрбиелеу
Қатысқан бала саны -8
Өткізілу түрі: дебат (пікірсайыс)
Жүру барысы
1. Ұйымдастыру бөлімі.
Жетекшінің сөзі: Тіл – қай ұлтта, қай елде болсада қастерлі, құдыретті. Ол әрбір адамға ана сүтімен бірге еніп, қалыптасады.
Тіл байлығы — әрбір елдің ұлттық мақтанышы. Ол атадан балаға мирас болып қалып отыратын баға жетпес мұра. Демек, әр адам ана тілін көзінің қарашығындай қорғауға, оның орынсыз шұбарлануының қандайына болса, да қарсы тұруы тиіс. Құрметті ақынымыз Қадыр Мырзалиев:
Ана тілің – арың бұл

Ұлтың боп тұр бетте

Өзге тілдің бәрін біл

Өз тіліңді құрметте – деген тұжырымы бұл. барлығымызға қойылатын талап. Осы мақсатта бүгінгі пікірталасымыздың тақырыбын да осы тілге байланысты алып отырмын. Алдымен осы ана тіліміз туралы біздің ақын жазушыларымыздың нақыл сөздерін есімізге түсірейік.
1. «Әр халықтың ана тілі білімнің кілті…. Біздің жастарымыз ана тілінде жетік, білімді , мәдениетті болсын…»
Ахмет Жұбанов
2. Анамыздың ақ сүтімен бойымызға дарыған тілімізді ұмыту бүкіл ата бабамызды, тарихымызды ұмыту.
Бауыржан Момышұлы
3. «Ғашықпын қазақ тіліне! … Осындай майса, сұлу тілді қалай өгейсітуге болады?»

Нұртас Оңдасынов
2. Негізгі бөлім
(Сайыстың ережесімен қысқаша таныстыру Міне, қазақ тілі туралы қандай тамаша сөздер айтқан ағаларымыз. Ал енді осы тіл мәселесі туралы сендердің пікірлеріңізді тыңдап көрейік.

3. Қорытынды :
Келешек ұрпаққа тілдің қадір қасиетін жоғалтпай, сол күйінде жеткізу әр қазақ азаматының борышы. Демек , ана сүтімен бойына дарыған тілдің киелі қасиетін төмендетпей, кенісінше, бағалығын арттыру баршамыздың борышымыз. Бүгінгі пікірталас кешімізді ақын Жомарт Зияшұлының өлеңімен аяқтағым келеді. Осы өлең өз тілін менсінбейтін, ана тілінде сөйлемейтін кейбір қазақ бауырларға қамшы болсын.

Тақырыбы: "Зорлық-зомбылықсыз әлем "
Өткізілген күні: 23.10.2021ж
Қатысқан бала саны -8
Өткізілу түрі: дебат (пікірсайыс)
Мақсаты: Балаларға зорлық-зомбылық туралы мағлұмат беру, адамның жаны мен тәніне үлкен зардап әкелетін соққы екенін түсіндіру және зорлыққа қарсы біздің елімізде заң бар екенін айту. Балаларға өз жүрген орталарында мейірімді болуға, бұзақылық істерге бармауға, адами бойларындағы қасиеттерін сақтауға, әдепті де, тәртіпті тұлға болып өсуіне тәрбиелеу.
Дебаттың әдісі: түсіндіру, пікірлесу.
Дебат барысыда талқылайтын сұрақтар:
1. Зорлық-зомбылықты қалай түсінесіңдер?
2. Зорлық-зомбылықтың түрлерін атаңыздар
3. Зорлық-зомбылықты қандай адамдар жасай алады?
4. Үкімет тарапынан қандай жұмыстар жүргізілуде?
5. Заң жобасының негізгі мақсаттары қандай?
6. Зорлықтан, құлдықтан аулақ болу үшін не істеу керек?
7.Тәрбие сағатын анкеталық сұрақтармен қорытындылау.
Кіріспе бөлім:
Бүгінгі пікірсайысымыздың тақырыбы: "Зорлық-зомбылықсыз әлем ". Қоғам үшін ең бастысы – тәуелсіздік, адам үшін бас бостандығы және уайым қайғысыз өмір. Оның кепілі – заңдылық. Тәуелсіздік төрімізден орын алған қоғамымыздағы ең басты құндылық – адам бостандығы. Адамның және адамзаттың құқықтары мен бас бостандықтарын қамтамасыз ету және қорғау – конституциялық заңдылықтың басты талабы. Қазақстанда салауатты өмір салтына қол жеткізуде, денсаулықты сақтау мен нығайтудағы басты міндеттің бірі – бала құқығын қорғау, зорлық-зомбылыққа қарсы күрес жүргізу.
Отбасындағы зорлық-зомбылық мәселесі әлемнің әр елінде ертеден орын алған.
Сонымен қатар Адам саудасы дүниежүзі бойынша кірісі жағынан үшінші орында тұр және ол барлық елде етек жайған. Әсіресе, адам саудасы құрбандарының жасарып бара жатқаны әлемдік қауымдастықты алаңдатып отыр. Мыңдаған адам жұмыс табу мақсатында заңсыз қоныс аударады. Тіпті, елімізде шетел азаматтарын әртүрлі жұмыстарға пайдалану үшін алдап әкеліп, құлдыққа салу ахуалы қалыптасты. Соңғы жылдары адамдарды сату деректері күрт өскен. Жыл сайын оның құрбандарының саны төрт миллионға жуықтайды.
Негізгі бөлім:(Сайыс ережесімен қысқаша таныстыру)
(Келесі сөз өздеріңде)

Қорытынды.
Балаларға қамқорлық жасау, баланың абыройы мен құқықтарын құрметтеу мемлекеттің сонымен қатар жекеленген әрбір адамның міндеті.
*2004 жылы тамызда «Бала құқықтары туралы» Заң қабылданды.
*Мемлекет әрбір баланың аман-сау өсіп, жан-жақты дамуын қамтамасыз етеді.
*Бала өмірге келе салысымен тіркеуге алынады, оған есім және азаматтық беріледі.
*Әрбір бала өз отбасында, ата-анасымен бірге өмір сүруге құқылы.
*Әр баланың өзінің пікірі, ар-ождан, дін еркіндігіне құқ

Тақырыбы: "Жасөспірімдердің интернеттегі мінез құлқы және қарым-қатынасы "
Өткізілген күні: 27.11.2021ж
Қатысқан бала саны -8
Өткізілу түрі: дебат (пікірсайыс)
Кіріспе:
Қазіргі қоғам - жаңа ақпараттық технологиялардың қоғамы және XXI ғасырдың бұл ағымы - қоғам дамуының жаңа дәрежесіне жеткізді. Ақпарат алмасу, қарым-қатынас орнату, жұмыс іздеу, білім алу мүмкіндігі және тағы басқа іс-әрекеттер шынайы әлемге қарағанда виртуалды әлемде жүзеге асатын болды. Интернет жастардың ең сенімді құралдардың біріне айналды. Қазірдің өзінде әлем халқының 57 пайызы бетпе-бет тілдесуден гөрі, интернет арқылы, дәлірек айтқанда, әлеуметтік желі арқылы «әңгімелеседі»
Негізгі бөлім: (Сайыс ережесімен қысқаша таныстыру)
Сайыста қарастырылатын сұрақтар:
Ал сіз интернетте ұзақ отырғанды жақсы көресіз бе?
Әлеуметтік желіге тәуелділік белгілерін негізге ала отырып,пікірлеріңді ашық орта салуларың сұралады.
-себепсіз поштаны қайта-қайта тексеру;
-ғаламторға қажетсіз кіре беру;
-жақын адамдардың компьютер алдында көп отырасын деген айыптаулары;
-уақыт өлшемінің жоғалтуы;
-желідегі қарым-қатынастың басымдылығы;
-міндеттерді ой елегіне алмау; кездесулерді, тамақ ішу уақытын, күнделікті режимнің бұзылуы;
-тәуелділіктің барын жоққа шығаруы;
-ашушаңдық көрсету, көңіл-күйдің болмауы, шаршау белгілерінің болуы

Қортынды:
Алдымен, салауатты өмір салтына, жүзбе-жүз қарым-қатынасқа деген махаббатты ояту керек, яғни шынайы өмірге қайтып келуге талпыныс жасау.Шынайы өмір виртуалды өмірден әлдеқайда жақсы екенін ұмытпауымыз керек.

Тақырыбы: Тәуелсіздік жетістіктері
Өткізілген күні: 11.12.2021ж
Қатысқан бала саны -8
Өткізілу түрі: дебат (пікірсайыс)
Мақсаты:
Биыл қастерлі Тәуелсіздігімізге 30 жыл толады. Бұл –қайта жаңғырған қазақ мемлекеттігінің, ата-бабаларымыз аңсаған азаттықтың тұғыры нығая түскенін әйгілейтін маңызды белес. Оқушылардың пікірсайыс барысында Тәуелсіздіктің маңызын түсінуге мүмкіндік беру
Кіріспе :
Тарих тұрғысынан алғанда, отыз жыл – көзді ашып жұмғандай қас-қағым сәт. Дегенмен, бұл көптеген халықтар үшін қиындығы мен қуанышы, дағдарысы мен дамуы алмасқан тұтас дәуір деуге болады. Біз де осындай жолдан өтіп келеміз.
Негізгі бөлім: (Сайыс ережесімен қысқаша таныстыру)
Азаттығымыздың айшықты белесіне шыққанда әрбір саналы азаматты «Отыз жылда біз қандай жетістіктерге жеттік?», «Келер ұрпаққа қандай елді аманаттаймыз?», «Мемлекеттігімізді нығайта түсу үшін тағы не істейміз?» деген сауалдар толғандырары анық. Осы тұрғыдан алғанда, бұл – арман-мақсаттарымызды тоғыстырып, болашаққа тың серпінмен қадам басу үшін өткенге тағы бір мәрте оралатын, жетістіктеріміз бен кемшіліктерімізді ой елегінен өткізетін маңызды мезет.
(Сөз кезегі өздеріңде )

Қортынды:
Тәуелсіз ел болу оны жариялаумен немесе мемлекеттің іргетасын қалаумен шектелмейді. Тәуелсіздік үшін нағыз күрес күнделікті еңбекпен, үздіксіз әрі дәйекті елдік саясатпен мәңгі жалғасады. Біз қуатты тәуелсіз мемлекетімізбен ғана ұлт ретінде жер бетінде сақталамыз. Осы айнымас ақиқатты берік ұстануымыз қажет.

Тақырыбы: "Адам құқығы "
Өткізілген күні: 22.01.2022ж
Қатысқан бала саны -10
Өткізілу түрі: дебат (пікірсайыс)
Мақсаты:
• Оқушыларға заң білімі саласынан мағлұмат бере отырып, өз құқықтарын жете білуге, өз беттерімен салыстыра білуге, өмірде қолдана білуге үйрету, құқықтық білімдерін толықтыру.
• Адамгершілік, адалдық, әділдік пен мейірімділікке баулу арқылы саяси саналығы мен таным белсенділігін арттыру
• Еліміздің Ата заңын құрметтеуге, сыйлауға тәрбиелеу. Патриоттық тәрбие беру.Өз ойларын ашық жеткізуге баулу

I.Кіріспе.
Міне, адамның шыр етіп жерге түскен минутынан бастап, оны өмірін, денсаулығын, тыныштығын қорғап отырған заң бар. Бұл заң 1948 жылы 10 - желтоқсанда қабылданған. «Адам құқығының жалпыға бірдей декларациясы», сонымен қатар 1959 жылы қабылданған «Бала құқығы Декларациясы», міне осы декларациядан кейін 61 ел қол қойған 1989 ж 20 қарашада «Балалар құқығы туралы Конвенция» қабылданды. Қазірде бұған 191 мемлекет кірген. Конвенция деген - арнаулы мәселелер жөніндегі келісім шарт. Осы Конвенция негізінде 2002 ж тамызда Қазақстанда «Балалар құқығы туралы» заң қабылданды. Бұл заң 9 - тарау, 53 - бап - тан тұрады. Осы ережелерді бұлжытпай орындау - біздің Отанымыз, еліміз, халқымыз алдындағы парызымыз. Біздің өмірдегі кейбір келеңсіз жағдайлардың көбі біздің осы заң талаптарын, тәртіп талаптарын білмейтінтіндігімізден туындап жататын секілді.

Негізгі бөлім: (Сайыс ережесімен қысқаша таныстыру)
Заң дегеніміз қоғамның негізгі тірегі Қоғам деп отырғанымыз - мына біздер. Н.Ә.Назарбаев: «Конституция - бұл да ел рәміздерінің бірі. Сондықтан негізгі заңды елдің туы, әнұраны, елтаңбасы секілді қадірлеу, құрметтеу - біздің парызымыз»- деген. Сондықтан әрбір адамның заң талабына бағынып, жат қылықтар, өрескел тәртіп бұзушылыққа бармау, өзіне жүктелген міндетті уақытылы орындаудың өзін еліміздің Ата Заңның, халықты құрметтеуі деп білуімізге болады. Конституция – елдің барлық ережелері жинақталған мемлекеттің негізгі құжаты. Сондықтан да біз оны Ата заң деп құрметтейміз. Әрбір адам өзінің де, өзге елдің де заңына бағынуға міндетті. Әр мемлекеттің өзіне тән заңы бар.
(Сөз кезегі өздеріңде )

Қортынды:
Құқықтары мен заңды мүдделерін қорғау үшін баланың құқығы заңмен бекітіледі. Құқық қорғауды ата - аналар, бағып - қағу және қамқорлыққа алу органдары, сот, прокурор жүзеге асырады. Адам құқығы,бала құқығын қорғаудан басталады
Біліп жүрейік!»
1 - маусым – халықаралық балаларды қорғау күні
20 - қараша – дүниежүзілік балалар күні
10 - желтоқсан – адам құқығы күні